كتب /الشاف سالي هاني
٤٠٠جرام اسبونج شوكليت/حوالى كوبايتين ونص
نص كوب ميا وسئلت منه معلقة كبيرة
فانيليا
٤بيض
معلقة صغيرة محسن جل
اخلطى كل المقادير واضربى لمدة ١٠ دقايق لحد ما يبقى كريمى
صاج ٣٠×٤٠ حطى ورق زبدة و ادهنى الورق من فوق زيت بسيط
وحطيه فى للفرن مش حيقعد اكتر من ١٢ دقيقة
او ما يطلع سلكى الجوانب وحطى ع الوش ورق زبدة واقلبيه
سلكى ورق الزبدة الى كان فى الارضية وماتشيلهوش
هاتى فوطة ولفيه وماتشيليش الورق الى من فوق ومن تحت
سيبيه يبرد واعملى الحشو
كوب ونص كريم شانتيه والسكر حسب الرغبة والمية تكون متلجة وحطى حبة واضربى لحد ما توصلى للقوام المظبوط
افردى السويسرول مش للاخر وحطى الحشو و لفى تانى ودخليه الفريزر كام ساعة عشان تعرفى تتعاملى معاه
طلعيه وجلسيه
وتكونى مجهزة جناش وتصبيه عليه
الجناش/ نص كيلو شكولاته
ربع كوب ميا/ربع كوب زيت/نص كوب كريم شانتيه
حطى الزيت مع الميا والشانتيه ع النار يدوبوا وانزلى بالشوكليت واطفى وقلبى
وبعدين صفى الخليط وسيبيه يبرد
وصبيه ع السويسرول ودخليه الفريزر تانى وطلعيه قطعيه وزوقيه