كتبت/الشاف سالي هاني
مقادير السويسرول:
7معالق دقيق-7معالق سكر – 7معالق زيت -7معالق لبن
3بيضات-فانيليا-معلقة بيكنج بودر-ذرة ملح
الحشو مربي اوصوص شكولاتة اوكريم شانتية اللي يعجبك
الطريقة:
ضربت البيض والسكر واللبن والزيت والفانيليا ف الخلاط كويس
نخلت الدقيق والبيكنج بودر والملح ف طبق وصبيت عليهم الخليط وقلبتهم كويس
دهنت صنية مستطيلة بالسمنه وعفرتها بالدقيق وصبيت فيها الخليط ودخلتها فرن سخنة لمدة عشر دقائق لغايه ما تستوي سبتها تهدي وخرجتها من الصنيه علي ورقة زبدة ولفتها رول وسبتها شويه وفردتها تاني حشيتها مربي ولفتها كويس ودخلتها التلاجه عشر دقايق اكون جهزت الكريم شانتيه وزينتها ودخلتها التلاجه
ملحوظه انا ضاعفت الكميه علشان الصنيه كبيره يعني بدل ٧معالق خلتها ١٤ من كل حاجه ماعدا البيض ٣زي ماهما
حاجه تاني اللي عايزاها بالشكولاته تحط بدل ال٧ دقيق حطي ٤دقيق و٣كاكاو