كتبت الشاف سالي هاني
المقادير :
على خطوتين 1 : 2 كوب دقيق
2 كوب ماء دافي
2 معلقه كبيرة حليب بودر
2 معلقه صغيرة خميرة
ذرة ملح
معلقه صغيرة سكر
تخلط جميع المكونات وتترك لتخمر لمدة نص ساعه لحد لما تلاقيها عاليه
الخطوة التانيه : 1 كوب زبادي
نص كوب زيت
3 أو 4 أكواب دقيق على حسب ماتلم معاكي العجينه ومتلزقش
نحط جميع مكونات الخطوة التانيه على الخطوة الأولى بعد ماتخمر وبعدين نسبها تريح شويه ونبدأ نستخدمها
الطريقه : نفرد العجينه في الصينيه بسمك 1 سم بس علشان متعلاش وتبقى زي الكيك خليها رفيعه
طريقه التوبينج :
تقطعي بصل وطماطم وفلفل وسوسيس أو فراخ اللي انتي عايزاه وبعدين تجيبي ملعقتين زبدة وتشوحي فيهم المقادير ده لحد مايدبلو وعليهم ملح وفلفل
طريقه الصلصه :
2 فص ثوم مع ملعقتين زيت وتحطي عليهم صلصه ومعلقتين كاتشب ومعلقتين زعتر وفلفل أسود وملح
وبعدين تحطي على العجينه الصلصه والتوبينج وعليهم الجبنه الموتزاريلا ودخليهم الفرن
وبالهنا والشفا
عايزة اقولكم عجينه العشر دقايق ده تحففففففه بجد بيتعمل بيها كل أنواع الفطاير والمعجنات بتطلع تحفه وطريه