كتبت /الشاف سالي هاني
المكوّنات:
1/2 ك دقيق
فانيليا
معلقتين بكنج بودر
كوب سكر بودرة
6 بيضات
ملعقة بيكربونات
1/2 كوب ماء دافئ
معلقة خل
كوب زيت
للتزيين
صوص شيكولاتة
كريم شانتية مضروب بنص كوب لبن مثلج
شوكولاته
عين جمل
شوكولاتة شيبس
كرسبى
توت الوان
قطع من الشوكولاته بالنوجة
تفاحة
الخطوات:
هنحط في بولة البيض والفانيليا والسكروالزيت ونضرب كويس حتى يفتح لونة
ونضيف نصف كوب الماء والدقيق والبكنج بودر والبيكربونات ونضربهم لغاية ما يبقى القوام كريمي
نشغل الفرن قبل ما نشتغل في الكيك على درجة حرارة 180درجة اجيب صينية وادهنها سمن وابطنها برشة دقيق واحط فيها ورق زبدة لرفع الحواف واحط الكيك فيها
بعد ٤٠ دقيقة نشوف الكيك ونختبرة بخلة ولما نتأكد من السوى نخرجها ونسبها تبرد خالص
ابتدى اقطعها نصين او تلاتة حسب الرغبة وبعد كدة احط كريم شانتيه بين كل طبقة وطبقة وصوص شوكولاته
وعلى وش الكيكة اغطيها كلها بصوص الشوكولاته وابتدى اقسمها بالكريمة دواير ومثلثات
في كل جزء حطى اي شئ انتى تفضلية انا اديتك شوية افكار ابدعى انتى بقى وورينا شطارتك يارب تعجبكم وياريتكم كنتم معايا كل سنة وانتوا طيبين حبيباتى وصديقاتى ويحفظكم من كل سوء يارب العالمين