ناديالنورسالثقافي

دوريني في حياتك دوريني
ما بنادي من بعد ما بح صوتي

شوفي احساس الشعور اللي يجيني
كان واضح جهشتي لحظة نداتي

كم اعاند بوحي اللي يعتريني
صار من صدك وجع يضرب بذاتي

من يساري الذكريات ومن يميني
من شمالي ومن جنوبي كنت أحاتي

أعلن أشواقي ولا شفت بحنيني
غير هجرك ليت ما بحت بمناتي

يا جمال اللي سكن نبضي وعيني
لكن اوراق الجفا زاد اورقاتي

ما يكفي وصل حسك في وتيني
لو تلوح الدندنة عند اغنياتي

غني اسمي شوفي كيف اروع سنيني
تنطق بروح الفرح بهجة حياتي

بكتفي باللي حصل ما عاد فيني
رد فعلك والبرود وبالسكاتي

يوم أدوّر وصلك اللي ما يبيني
تو أفهم للأسف حجم ابتلاتي