بقلم :- دكتورة دعاء نعيم
أنا مش عوزة حب خلاص
ولا عوزا أغرق في الإحساس زي الناس
ولا أحلام ولا خروجات ولا سهرات
ولا حتي عوزا اتباس
أنا عوزا امان
أنا عوزا دفا وصدق وإخلاص
أنا عوزا اتغطي من الوحده ونهش عيون وقلوب الناس
أنا عوزًا موده ورحمه
مش عوزا مسخ يبعلي كلام
أنا عوزا ايد تتمد بخير وما يهنش عليها في يوم وجعي
أنا عوزا راجل فاهم ازاي بيصون اسمه وعرضه
ومايهنش الست اللى تأمنه من ورا منها عمروا ما يعلي عليها رخاص
في غيابها قيمتها وفي إيابها تتساوي الروس إلا جنابها
يعرف قيمتي ويصون عرضي ويحافظ علي اسم بنيته
مابجرحشي والله في حد
كل الموضوع ان الي بيدبح متعشم اني ما ادمعش
من كتر طيبتي هموت ساكته شفتوا النكبه ولا الوكسه
دنيا غريبه.
يادي الخيبه
فاكرين ان الحب ما بيموتش
بيموت مقتول بكلام معسول من غير افعال
بيموت مشنوق من وجع أتبقي وما اتصفاش بعتاب متشال مجمله كان ليه كل دا كان ليه
بيموت محروق من غدر خسيس وخيانه شخص خان نفسه مع عالم عابوا في اللي جبوه
وقللوا منه فا بقي لبانه في لسان الناس الأنجاس
بيموت ما الحزن وبيخلص من جوانا قلوبنا بيسرق وياه افراحنا
بيموت وخلاص وانا قبل ما اموت بسنين
شيرت كتير وكتبت كتير اني مش عوزا احب وأني بخير
أنا عوزا ناس حقيقه وبس
مش عوزا احس بأني في غابه
مش عوزا سرقه املاك
ولا سرقه عمر
ولا سرقه ذكري فكرت في يوم هتكونلي شمعه في وسط العتمه في لحظه موت
وهقول لله أنا عوزا شريكي بالدنيا والاخره معايا مايتغيرش
اتغير بدل المرة تلات مرات
وفي الاخر مات موته ما تشرفش
معقول صدفه
وخراب الروح والقلب دا حسابه علي مين
مش عوزا يا رب اتربي في حاجه بتكسر روحي
أنا عوزة حضن في اخر الليل
أنا عوزا اتغطي من الدنيا واداري في شخص أمين
مش عوزا أحب خلاص تاني
أنا عوزا سلام وعقول راكزه
ومباديء ثابته ماتتغيرش
مش عوزا شكل متزوق
أنا عوزا اخلاق وعقيده
مش عوزًا ندل جبان وجعان
الناس بتبان وقت الازمات
وأنا دايما كنت أنا الراجل
أنا عوزا راجل يبقالي ويبقي عليا
علشان اتربي يكون راجل أد كلامه وشلته وهبته
مش عوزا اخد حد بخيبته وعقده النفسيه وأقعد أعالج
أنا ست الستات الهاديه المايصه ال ” so كيوت ” الأمورة اللي بتطلع لما تلاقي راجل مظبوط
غير كدا عنتر أو بلطيه راجل مجدع او بت رجوله معديه الاحتمالات
هي دي عشتي وهو دا دوري
وبس