The Buzz Magazine
The Buzz Magazine

اسرار تخلي البيتزا والمكرونه والمعجنات تشد معاكي

كتبت الشاف سالي هاني

اسرار تخلي البيتزا والمكرونه والمعجنات تشد معاكي
اسرار تخلي البيتزا والمكرونه والمعجنات تشد معاكي
  • اي نوع جبنه موتزريلا ايا كان حلو عمره ما هيطلع المطه اللي بنشوفها علي النت بس دي

  • ١- معلقه سمنه ومعلقه زيت ومعلقتين دقيق علي النار كانك بتعملي بشامل تقلبتين وحطي شويه مايه صغيرين خالص بعد كده كوبايتين لبن بااااااارد نقلب كتير

  • نجيب ربع رومي علي شيدر من اللي بتمط عشان في انواع وعليهم ربع او ازيد شويه جبنه موتزريلا ولازم تكون كل الجبن دي مبشوووووووره عشان لو متقطعه بس هتكتل معاكي

  • خلاص بشرناهم نقلب بقي سريع وبعدين نوطي النار ونغطيها دقيقتين كده كله بيسيح علي بعضه وبتشد لاخر المطبخ وبيكون الصوص معاكي كتير وتقيل بس لازم كميه الجبن تكون اكتر من البشامل طبعا والقوام يبقي تقيل

  • وده بيعمل معايا صنيتين بيتزا واحيانا بيفيض حسب حجم الصينيه ممكن تشيليه في الفريزر عادي

  • ٢- لما تيجي تجهزي البيتزا طبعا من تحت شويه زيت ورشه دقيق وبعدين افردي العجينه بعدها مباشره حطي شويه صوص جبنه من اللي عملناه ثم كملي باقي الطبقات عادي بقي صلصتك علي خضارك علي لحومك زي ما تحبي وفوق كل ده انزلي طبعا بصوص الجبنه

  • وتكوني مشغله الفرن حطي الصينيه علي الصاجه من تحت ومتخافيش ١٠ دقايق وطلعيه
إشترك في نشرتنا الإخبارية
اشترك معنا للتوصل بآخر الأخبار، المقالات والتحديثات، ترسل مباشرة لبريدك الإلكتروني
يمكنك سحب اشتراكك متى شئت

اترك رد

لن يتم نشر عنوان بريدك الإلكتروني.