اختصرت الشاعرة اللبنانية جسي مراد في حديثها لنا عن عملها الجديد الذي تكتبه الآن وتكرس كل وقتها نهاراً وليلاً له بحبٍ وتضحية…. !!! فهي الآن تكتب مسلسل درامي اجتماعي ضخم…. تتحدث به عن شابة عانَت من مشاكل كثيرة…
في منزلها وفي حياتها اليومية ..
فكبرت بعد سنين وتعلمت وانتقمت… ووصلت إلى طموحها بإرادتها وقوتها وصبرها …
كانت روحها تمتاز بالشقاء والمحبة والأحلام الصافية…
فتحققت احلامها فأصحبت في المراتب العليا… وحصلت إلى منحة عالمية… اختصرت لنا جسي هذه الكلمات الجميلة التي شوقت قلوبنا كثيراً…
كما تابعت وقالت:رح يكون الي دور مهم بهيدي القصة ” تتابعونها …
وحتى لو قد ما اخد معي وقت … سنتين ويمكن٣ أو اكتر .. ثقتي بنفسي ما بتخيب وثقتي بدعم الأشخاص يلي حواليي كمان مستحيل تخيب… الله كريم .. وانشاالله خير…
لأن عندي ثقة من اول الحلقات.
رح تدق القلوب. ..وتنفتح بواب…
تعلمت بحياتي أنه بس نفذ كل شي منحبو ومن قلبنا اكيد منوصل .وكتر خير الله….
“روحي بريئة” ..
رح تسكن قلوبكن… بلا ما تاخد اذنكن….!!!
انتظروها…!!!
شكراً لك لهذه المقابلة ..”
ومبروك لك من صميم القلب…
من اجمل المقالات المنشوره على منصات التواصل الاجتماعي العالمي لجسي مراد …
بقلمي :جسي مراد
بدك تلين مع الاشخاص يلي بتحبن… ما تضعف قدامن ….
حبن بليونة قلبك… بس ما تعطيهن مجال يستغلوك…… هالمجال يلي يمكن يكون متل باب عم ينفتح ويتسكر… تيلاحق نقط الاستفهام…. هالنقط يلي بتكرج ورا بعضا…. من باطن العقل … ومن ارض عروقو…
ويمكن هالمواقف تغيرك وتقسيك… وتعلمك انك تمسك ايد وتفلت تاني ايد…تتجرب… تجرب بإشارة تفهمن… تجرب بنظرة تخبرن…هيك ما بتعود مسيطر ع كل شي بتحكي أو كل بتنفذو معن… اذا عنجد بتحبن وبدك تقسى وتبعد عنن لفترة معينة لأسباب غامضة قطعت فيها من وراهن…
ما تإذين لا بكلامك ولا بنفسيتك… ما تإذيُنْ لا بصلابتك ولا بصمتك. ما تإذين ببعدك وعتبك….ما تإذين بكف روحك ولا بكف ايدك…
ا نت عاملن بقسى وشدة بس مش بعنف واذى لا … ما تجرحن لأن جرحك اذا علم جواتن ما رح ينمحى بسهولة… خليك متل ما انت وتصرف بوجدان وبعقل ونميمة… واذا بدك تعطي الحب تعلم أنه ما تعطي من قلبك ع طول ولا تقدم الاحلى ع طول ….. خلي القوافي يلي موجودة بي حروفك…تبعد عن الواقع. يلي انت في …تالواقع يبعد عن الحقيقة.يلي عم تغرق فيك وفيين …لأن اوقات بقساوتن ما يقدرو يتقبلوك بس اكيد رح يقبلوك….!!
تالحكمة تنكتب بين قوس وبين قوسين.وتتطبق ع كل حدا منا)رح نحفظا فينا بحياتنا وبمستقبلنا وبمواققنا واكيد بدربنا. :
.(كن ليناً من غير ضعف ..
وشديداً من غير عنف)!!
خلينا نحلل موضوع زغير ….!!
ع طاولة كان في بريق ماي …
وبالايد كان في ساعة…
شلنا الساعة من ايدنا وحطيناها بالبريق…ليش؟
وشو معقول يصير بالساعة بس حطيناها بالميّ .. اكيد بتكون وقفت …
من هون خلينا نشبه الساعة لموقف…أو لشي كتير منحبو أو لشخص… نحنا بس حطينا الساعة بالميّ.. منكون تخلينا ع موقف منحبو وبهمنا أو ع شخص كسرنا وهملنا… نحنا مستحيل نوقف الوقت ولا الزمن… بس الزمن بيقدر بحد ذاتو يوقفنا ويوقعنا ….يجربنا ويعلمنا…
انا الآن اسير بين الصمت…
واكتب بين ذراعيك احلامي…
اريد أن اسمعك لكي انسى نفسي بك… نفسي الضائعة في قلبك… .
لكي اسلك قاطفة لك وروداً لا لون لها ولا جمال….
عجيب انت يا كياني…
لماذا تختبئ في عاطفتي الفقيرة ؟ هل انت يتيم في حبي ؟ ام انت بين جدراني تستقبل دموعاً باردة….؟ لا تحزن!!! لست الوحيد العاشق اليتيم في كوني…!!! حملت لك هدية فهي ذرة من عشبة التراب .. احملها في صدرك… لعلها تطفئ الظلمة….!!! لعلها تجعل السلام ثمينا…والحب قليلاً… والربيع طويلاً في مثواك ينتظر غداً… هنيئا لقلبنا الذائب في حضرة الشتاء.!! .. والثلج القارس في حضرة الصيف والنار… !!!فهناك اموراً تحكى ولا تحكى .. هناك رياح تسجن ولا تسجن… فملاح العجائب في عشقنا اصحبت خيال .. والخيال قد اصبح معجزة أتت من السماء…
فالنرحب بالغد العظيم….
غدُ الاعياد والمحبة والأحلام الصافية …
جسي مراد
من احدث المقالات التي نشرت على صفحة لغتنا سراجنا الدولية اليوم ..
بقلمي : جسي مراد …
كان في ورقة بيضا وكتاب مغلف بقماش…
لفح الهوا وكرجت الدموع ع الطرقات….
خلينا نحلل سوا ونشبه بسؤال وبنتيجة…
بعمق وبأسلوب غريب ….
ع كتر ما كان الهوى قوي كتير …
الكتاب جناحاتو سفرتو لبعيد….
بينما الورقة ما طارت وضلت متل ما هييي….
ليش اولكن؟
مع أنه الكتاب وزنو اتقل من الورقة ..
خلينا سوا نحلل هالموضوع…!!!
الورقة هيي عبرة محّت كل حروفا تتطبعا ع جبين القمر..
والكتاب هوي موقف اتكسرت حواجزو
تيسافر ع كتاف الشمس والغيم…
يعني فينا نوصف الحكمة لورقة ….
هالورقة تفرعت من اصدق الكلام…
تتعطيا عبرة للآخرين…
والكتاب انتلى من كلام وكلام… وحكي وفواصل… .
بس كل هالحكي كان فارغ من العمق… فارغ من الالهام…
وفارغ من الشوق…. !!!
مش ضروري نكتب بكتاب تنعبر عن يلي كل شي منحسو..
اوقات منعبر بحروف زغيرة…. تنجوم السما تلونا…!!!
كل انسان فينا درس ..
وكل حرف النا انسان… …
وكل شعور منا حكمة…
وكل حكمة منا ايد شلّت حالا لتجملْ الزمن …..
تالوقت بذاتو يرسمنا ع لوحات الكون صورة..
والكون يرسمنا خطوط مزخرفة ع خريطة غلافو…
غلافو المقطب بخيوط الشمس…