كتبت/الشاف سالي هاني
لتحضير الفراخ :
صدور فراخ متقطعه شرائح
فلفل اسود – بابريكا
لتحضير الصوص:
مكعبات صغيره بصل
مشروم – علبه كريمه طبخ
جبن مبشور ( رومي او بارميزان )
كوب من مياه سلق المكرونه عليه مكعب مرق خضروات
م صغيره نشا
٢ فص توم مفروم ناعم – ١/٢ م صغيره فلفل احمر مفروم – م صغيره زعتر – جوزة الطيب
مكرونه ٣/٤ سوا
الشكل اللي تحبوه :
اول حاجه نتبل شرايح الفراخ ب فلفل اسود و بابريكا
وعلي النار زيت سخن ونار عاليه علشان الفراخ متنزلش مياه
نحط الفراخ اللي تبلناها ٣ لـ ٥ دقائق
بعد كدا نشلها علي جنب
ونبدا نحط باقي المكونات بترتيب ف نفس مكان الفراخ
( البصل – التوم والفلفل الاحمر – المشروم – الزعتر وجوزه الطيب )
التقليب المستمر مهم بين كل مكون حوالي دقيقه
وبعد كدا الكريمه ونص كوب مياه سلق المكرونه
والنص التاني ندوب في النشا تقلبتين
ونحط الفـراخ :
اخر حاجه نص كميه الجبنه
نقلب لغايه ما الصوص يغلي ويتقل حاجه بسيطه بعدها
نحط المكرونه نقلب كويس
وباقي الجبنه اخر حاجه
ونقلبهم حوالي دقيقتين
( انا اعتمدت علي الجبنه بس ومحطش ملح )
ودوقوا وظبطي الملح حسب ما بتحبوا