كتب/الشاف سالي هاني
من الطرق الجميلة جدا و السهلة اللي ممكن نحضر بيها الشوفان مع الزبادي و يبقى طعمه لذيذ. ممكن نحضر كمية و نشيلها في التلاجة للناس اللي بتصحى الصبح مستعجلة و في الاخر تفطر باتيه و تسقي البسكوت في الشاي
المكونات:
- كوب شوفان
- موزة
- ٢ كوب زبادي لايت
- سكر دايت او ملعقة عسل صغيرة
- نصف ملعقة قرفة صغيرة و ملعقة فانيليا صغيرة
طريقة التحضير:
- هنهرس الموزة بالشوكة و نخلطها مع الشوفان، القرفة, السكر دايت او العسل و الفانيليا لحد لما تكون شبه عجينة متماسكة
- في قالب الكب كيك هناخد ملعقة كبيرة من الخليط و نضغطها جوة كل كب على الجدران عشان تعمل شكل الكوب
- نسيبها في التلاجة نصف ساعة و بعدين ندخلها الفرن لمدة ربع ساعة
- بعد ما تهدى شوية هنلاقيها بقت مقرمشة نبدأ نحط الزبادي فيها ممكن نعناع ناشف مع الزبادي عشان بيدي طعم حلو جدا او نقطع عليه قطع فاكهه صغيره او كمبوت خوخ
- وبالف هنا 🌹🌹🌹