المقادير:
وراك مخلية من العضم ما عدا عضمة الدبوس
كبدة وقوانص مقطعة قطع صغيرة
ارز
ملح وفلفل اسود
زيت
بصلة مبشورة
رشة حبهان مطحون
خلطة الدهن :
طماطم مبشورة
معلقة صلصلة طماطم
ثوم بودر
بصل بودر
بابريكا
ملح
الطريقة :
هنجيب حلة ونحط فيها الزيت و البصلة المبشورة ونقلبها لحد ما تدبل وبعدين نحط عليها القوانص ونقلبها شوية وبعدين نحط عليها الكبدة ونقلبها ونحط الملح والفلفل الاسود والرز وحط الماية ونسيبه لحد ما يستوى
هنجيب الوراك ونتبلها بالملح والفلفل والحبهان المطحون ونحشيها بالرز ونلفها رول ونقفلها كويس بالخلة ونجيب صينية ونرص فيها الحمام اللي عملناه وندهنها بخلطة الدهن وندخلها فرن سخن علي درجة حرارة عالية لمده نص ساعة وبعدين نولع الشواية علشان الحمام ياخد لون والوش يحمر وبالف هنا