كتبت/الشاف سالي هاني
كوبايتين ونص دقيق
كوبايه ميه دافيه وممكن يزيد أو يقل حسب نوع الدقيق
معلقة كبيرة خميرة فورية
معلقتين كبيرة لبن بودرة
معلقة صغيرة سكر
ربع معلقة صغيرة ملح
3 معالق كبيرة زيت
نص كيلو لحمه مفرومه
بصلة كبيرة نقطعها مكعبات صغيرة
نقطع طماطم مكعبات واحده بس
فلفل أخضر مكعبات واحد بس
فلفل أسود وبهارات وحبهان مطحون وشطة وبابريكا وشويه ملح صغيره
الطريقه:
طريقة عمل عجينة الحواوشى الاسكندرانى
نخلط المكونات الجافة دي كويس ونزود الميه الدافيه بالتدريج علشان العجين يكون متجانس
ونضيف بعدها الزيت ونعجن كويس وبعد كده نغطيها ونسيبها تخمر لمدة ساعة او ساعه ونص
نقسم العجينة ع شكل دواير ونفرد كل واحده على شوية دقيق ونسيبها فى صينية مدهونة زيت أو سمنه ونحط عليها الحشو
وبعد كده نفرد واحدة تانية ونحطها على الوش ونقفل الأطراف كويس
نخلط بيضة مع معلقة صغيرة من اللبن البودرة
ورشة فلفل أسود وندهن الحواوشى ونخرم الوش بالشوكة ونرش سمسم وحبه البركه وبعد كده ندخله فرن ساخن لحاد اما يسخن وياخد لون دهبي